قبايل الجزيره

[الروح الحره]

القصدية تتكلم عن معظم قبائل الجزيرة العربية وخاصة دول الخليج
يالله ياخالق اراضين وابحار **** الواحد المعبود رازق عبيده

الخـالـق الغـفـار عــلام الاســرار **** وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار **** ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار **** واخـتـار مــن جــزل البـيـوت الفـريـده

وذ كـرتـراث وعــز وامـجـاد وافـخـار **** قـبـائـل تـومــن بـديــن وعـقـيـده

وصلـت حضارتـنـا عـلـى سـطـح الاقـمـار **** ابـنـا الجـزيـر والجـزيـره مجـيـده

فــي ظــل حـكـام لـهـم فـعـل واشــوار **** ال السـعـود الـلـي تـفـك الضهـيـده

نـسـل الزعـيـم الحـاكـم الـعـادل الـبـار **** مـجـدد امـجـاد الـجـزيـره بـجـيـده

حتـى اصبحـت حـره وحنـا لـه انصـار **** فـي ظـل اخــو نــوره هـنـوف سعـيـده

وصـارت لابــو تـركـي بطـولـه وتـذكـار **** والفـخـر والامـجـاد تبـقـى شهـيـده

وخلـف لـنـا امـلـوك لـهـم فـعـل واخـبـار **** الشـعـب واحــد والقـيـاده رشـيـده

والامـن بانينـه عـلـى ســاس وجــدار **** وقــرو عـلـى العـابـث عقـوبـه شـديـده

وحنـا حمـاة الــدار مــن كــل غــدار **** ومــا همـنـا بطـشـه وخبـثـه وكـيـده

قبـائـل مالحقنـاهـم اوعـــار **** وعـشـنـا بـهــذي الـــدار عـيـشـه رغـيــده

والحـمـد لله نحـمـده ســر واجـهـار **** شـعـب تكـاتـف مــن سـنـيـن مـديــده

ودون الوطـن جـيـش عـلـى كــل معـبـار **** لارفــرف البـيـرق ونــادى عقـيـده

بـشـرق الـبـلاد وغربـهـا دوم حـضـار **** وارض الشـمـال الـلـي نـفـوده مـديــده

وارض الجـنـوب الـلـي تخيـضـر بالاشـجـار **** جـزيـرة فيـهـا القبـايـل عـديــده

ارض بـهـا قحـطـان وافـيـن الاشـبـار **** ويـاعــز مـنـهـم بالـشـدايـد بـسـيـده

واذكــر عتيـبـه يــوم للطـيـب مـغـوار **** لا ثــارت الهيـجـا وقــرب ضـديــده

وشمـر هـل الطـولات والجـود مـقـدار **** اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامــرار **** اولاد وايــل مــن عـصـور عهـيـده

ومطيـر قـوم تـكـرم الضـيـف لا زرار **** ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيـار **** وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفـار **** زبــن الدخـيـل لـيـا زبــن مــن طـريـده

واذكــر قبيـلـة يــام والطـيـب يـنـدار **** اهــل الـعـلـوم الـوافـيـه والـرشـيـده

ثــم الـدواسـر تجـعـل الخـصـم منـهـار **** عـيـال زايــد عــز منـهـم سنـيـده

ثـم السهـول اللـي لهـا الطيـب مــدرار **** وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجـار **** والمرجـلـه والـجــاه فـيـهـم عـتـيـده

واذكــر بـنـي مــره طويلـيـن الاعـمـار **** مــا ينـقـد الـمـري ولا لــه نقـيـده

ثــم الهـواجـر لابــة تـقـدح الـنـار **** اهــل الـركـاب الـلـي خطـاهـا بـعـيـده

واذكـر بنـي خالـد قبيـلـة وامــار **** قــوم لـهـم فــي المـجـد قــول ورصـيـده

وبنـي تميـم الـلـي لـهـا الطـيـب مـصـدار **** بـنـي تمـيـم وكــل فـعـل تجـيـده

ثـم الزعـوب اللـي بـهـا الخـصـم يحـتـار **** شجـعـان ماتـرضـى ســوا ماتـريـده

العازمـي وافـي وفـي الطيـب بيـطـار **** روحــه عـلـى كــل المصـاعـب صمـيـده

ثـم الظفـيـري فــي المصاعـيـب جـبـار **** والطـيـب والامــداح باصـلـه وطـيـده

ثـم اذكــر الاشــراف بـجـلال واكـبـار **** اهــل الحـجـاز الـلـي تـفـك الزهـيـده

ثـم الهذيلـي لــه مـواقـف ومـنـدار **** راعــي الفـخـر راعــي العـلـوم السـديـده

ثـم البقـوم اللـي لـهـم جـيـش وامـهـار **** ريــف الضـيـوف لـيـا لفـاهـم ولـيـده

واذكـر ثقيـف اللـي لـهـم مـجـد وآثــار **** ومهـمـا حسبـنـا مــن كــلام نعـيـده

وبلـحـارث اهــل الـعـز بشـهـود واقــرار **** ا لحـارثـي ياطـيـب فعـلـه وجـيـده

والمالكـي معـروف لا صـار مـا صـار **** فـي موقـف اهـل الطـيـب يـبـذل جهـيـده

واثـنـي تحيـاتـي عــدد وبــل الامـطـار **** عـلـى سلـيـم وكــل خـصـم تكـيـده

واذكـر جهيـنـه هــل مواقـيـف وادوار **** تلـقـى الجهيـنـي راســم الطـيـب بـيـده

واذكــر بـلـي والمجـدلـه فـعـل واظـهـار **** وتاريخـهـم يحـكـي فـعـول فـريـده

وبـنـي عطـيـه فــي المواجـيـب حـضـار **** قــوم بـوقـت الـجـد قــوم عنـيـده

ثــم الحويـطـي والكـرامـه لــه اشـعـار **** ثــم الـشـراري لــه فـعـول مفـيـده

ثـم الرشيـدي فــي الصعيـبـات صـبـار **** عـلـى عـلـوم الطـيـب فعـلـه يـزيـده

وباقـي جـنـوب الــدار والـقـاف مــادار **** بـاقـي عـلـى قلـبـي كــلام واشـيـده

زهـران نعـم القـوم فـي وقـت الاضـرار **** والخـصـم عيـنـه مــن لقـاهـا سهـيـده

والغامـدي معـروف لــه عــزم واصــرار **** راعــي المـراجـل والعـلـوم المفـيـده

وشـمـران قــوم والجمـايـل لـهـا اطــوار **** وبلـقـرن ســم للـقـلـوب النـكـيـده

والاكلـبـي والمحلـفـي مابـعـد بـــار **** والـحـارثـي طـيـبـه وفـعـلـه يـشـيـده

وبنـي شهـر وبنـي عمـر سـيـف بـتـار **** قــوم عـلـى الاخـصـام نــار وقـيـده

والاسـمـري والاحـمـري صيتـهـم ســار **** بـيـن القبـايـل والـمـواقـف شـهـيـده

واذكـر عسـيـر الـهـول ذربـيـن الاذكــار **** وابـهـا احتمـوهـا فالسنـيـن الشـديـده

وادهـم والصيعـر علـى حـد الاقطـار **** يحـمـون حــد الــدار مــن الـلـي يـريـده

وامـشـي مــع السـاحـل مــع جمـلـه افـكـار **** رسمتـهـا والطـيـر زان اتغـريـده

وانــزل عـلـى جـيـزان تـاريـخ واديــار **** ورجــال فيـفـا والقبـايـل عـديــده

وارجـوا العـذر واهـل المواجيـب عــذار **** الــي نسيـتـه مانـذكـر فــي القصـيـده

الواهـبـي عــدد ابيـوتـه بــالادوار **** مــن شـاعــر مـاشــل قـلـبـه حـقـيـده

شهـران ربعـي هـم هـل المـدح والكـار **** واهـل الكـنـد واهــل السـيـوف الجـديـده

يــوم البـلـد مايـامـن الـزنـد لاثــار **** زيزومـنـا ابــن مشـيـط نـعـم الـولـيـده

فالجـهـل شجـعـان وفــي السـلـم تـجـار **** مــن بـطـن بيـشـه للتـهـم لارفـيـده

حبـيـت ابـيـن موقـفـي بـيـن شـعـار **** وارجــوا سموحتـكـم عـلـى ذا النشـيـده

ماحـب انـافـق واتعنـصـر تعنـصـار **** ولا نــي باطـيـع اهــل العـقـول البلـيـده

مـا كـل مـن طـب البحـر قيـل بحـار **** ومـا كـل مـن شـل الفشـق جــاب صـيـده

فالشـعـر بسـتـان بـــه ورد وازهـــار **** والـلــي تـعـداهـا بـيـوتـه فـقـيـده

واقولهـا فـي الشـعـر تـكـرار وامــرار **** ضــرف بــلا عـنـوان يلـغـى بـريـده

وبعـض السوالـف لـه مـواقـف ومحـضـار**** وشـعـر بــلا معـنـى لــزوم نبـيـده

وصلوا على المرسول شفاع الابرار**** محمد الهادي وقدوة عبيده





منقول تحياتي لكم الروووووووووح

[الفارس]

واذكــر قبيـلـة حــرب يانـعـم الاخـيـار **** وتاريخـهـم يحـكـي سـطـور مجـيـده

صــــــح السانك وقااايلها

الله يسلمك على هذ القصيده الحلووو

الفارس

[((نديــــــم الشوق))]

الله يستر مالقينا قبيلتنا ليكون حنا ....................هههههههههه


مشكوره اختي على طرحك الجميل.....


وتقبلي مروري

[الشمعه]

وحبيت اكتب الملحمه الوايليه للاسمر الجويعان:-


يالله يامشفي الجسوم العليلة ياللي خلقت من العدم كل وجدان


خلقت مخلوق وعينك تخيله مابين كاف ونون كونت الانسان


أنت الذي رزق الخلايق كفيله يارافع سمك السماء دون عمدان


أدعوك بأ سماك العظام الجليلة يالجود لمأجود ياجزل الاحسان
ياواحد ماغير عفوك وسيله لقدرتك عبدك فقيرا ومندان
أحمدك يالمعبود ليه قبيله ربعي هل الجدعا سلايل سليمان
قصيرهم ظل المعزة مقيله يمشي طويل الرأس من غير حقران
أن جاء نهارا ساعة به طويله ملكادهم يشبع به الذيب سرحان
الخيل بالفرسان يرهق صهيله غاب اليقين وحاضر كل شيطان
ربعي مروين السيف الصقيلة جعافرة عند القبائل لهم شأن
ياما ارملوا بافعالهم من حليله وساعدهم الايمن خلايف عليان
اللي جهل يسمع عقاب وجيله ينبيك عنهم حاضر الفكر فهمان
هرج صحيح واضح لك دليله محمد الاحمد بعثهم بديوان
ذاك السديري ماعلومه هزيلة حرا تربى بالمعالي ورفعان
ماولف الا ضو ذكر حكيلة قول على قول تقول العرب كان
لولا أجواد الناس ماله عقيله تاريخ عوق الخيل شيبا وشبان
خيالنا لو تسألون الكحيله تشهد لنا صمك الرمك والخفي بان
من لابة تزبن دخيلا يجليه دخيلهم عن واهج الشمس ينصان
أولاد وايل كاسبين النفيله والهرج مايثبت على غير برهان
هل الفعول الطيبة والجزيله وايل لهم بالمجد منزل ومسكان
عدوهم يسقونه الحنضليله يجرع من العلقم قراطيع ويهان
يوم البرى رده عميل لعميله الجمع يزبر والوغى بينهم حان
نشت بها سحب المنايا المخيله بمصقلات الهند ومزرج الزان
الموت يزجر واحمر الدم سيله وربانها قب تصاهل بفرسان
تلاحمت بين الخصيمين خيله الخيل تنهم والعريني بالايمان
معاركا دارت رحاها مهيله تصرخ بها خضر النمش واللغا شان
خيالنا تاطا الحوافر قتيله اليا سمك عج الرمك خلف الاضعان
اليا عثا بالخيل فعله فصيله سيفه الهامات المناعير ديان
ملكادنا يشفي الطنا والغليله تشهد لنا جرد السبايا بالاكوان
وذيقار شاهدنا وغيره مثيله ارامل المنذر حماها ابن شيبان
المنذريه يوم جتنا دخيله حنا زبنها يوم لوذات الاذهان
جتنا تسوقها البلاوي ذليله وعدنا لها مجد الشرف بعد الاحزان
حنا كسرنا جيش كسرى وفيله وعما نوى حنا جزيناه حرمان
حنا ها الجمع الذي ينعني له نكسر جحافل غازيا شن عدوان
ماننهزم عن حقنا مستحيله وحنا نفرق بين خل وخلان
حريبنا يجرع قراطيع ويله يشكي غلايل فعلنا راح ندمان
بالمعركة نجزاه بأشنع سحيله نكسب مفاخير المعارك بميدان
عبرت عن عصر ورثناه نزيله يوم الفرس والسيف وعنان وسنان
والناس كل صاع حق تكيله ماهي مذمة للفبايل وبهتان
كلا على حمله صبورا يشيله اثبت على ماقلت والفعل سلطان
أفعالنا عند المْورخ نبيله كلام ابن كلثوم يثبت بوكدان
اليا نوانا جاهلا نعتنليه وبجهلنا نجهل على كل جهلان
اليا انهضم راع الضلوع الهزيله تلقى فعايلنا جزيلات وسمان
اجموعنا بالحرب ماينقويله دسنا رواسيها وسدنا بالاوطان
سدنا الجزيرة ونعدل ميل شيله وحنا جعلنا كل قاسيا ليان
من شرقي البحرين لحدود نيله نامر وننهى مانداري بها أنسان
وايل سلاطين العرب تنتميله ومنا كليب اللي قطع رأس حسان
ومنا بطل ذي قار مزبن دخيله وحتى عمر والزير بالاصل ويلان
ومنا المثنى قاد جند بسيله جيش عرمرم يوم تحطيم الاوثان
يوم سهومه مثل وبل الرفيله والسيف من سفك الحمر ذاك رويان
ومنا الملوك اللي خطاهم ثقيله اسياد تعرب من قديمات الازمان
ستر العذارى ناقضات الجديله ماعقبه مفرن على الحق عيان
أفعالهم شر الضغانين تزيله تقضي على حاسد وظالم وفتان
المقرني من عزوة نعتزيله عن الجزيرة زاح ظلم وطغيان
عبدالعزيز اللي قمع كل عيله رام المعالي واعتلا المجد بمكان
حتى بحد السيف جوه صفيله وسبع الخلا من الخوف مايقرب الضأن
هو الذي شكر الثنا يستويله تنشر له البيضا على راس مابان
الي أن قال
ومنا الصباح اللي بهم عدل ميله بطرافهم يعيش عايب وعجزان
نفوسهم بالمال ماهي بخيله صباح والاسرة مجاذيب عقبان
ومنا الخليفة عز من يلتجيله هل الصخا والجود عطبين الاطعان
شيوخ لهم بالضد حيل وحيله حكام بالبحرين لهم الهواء زان
ومنا مصوت بالعشاء كل ليله يزهم بعال الصوت لمن كان جيعان
اللي يصوت بالسنين الوخيله بيته ينادي بالكرم كل الاحيان
ومنا الدريعي يوم يسحب صقيله سيفه يشيل الراس من فوق الامتان
لعيون حصه مايمصه نجيله ماعاد يتلى الخيل مهرة ولاحصان
ومنا عقاب الخيل مرذا الاصيله ومسكت الورع العجي وابن هزان
هزازنه والمدح فيهم نحيله ان جاء نهار فيه رجف ورنان
وجديع ابن هذال مابه جهيله وساجر مسوي للنضا سبت صفيان
وبرجس غدير الموت حامي الدبيله وابا الشيوخ ليا توشح بشامان
وكنعان يعجب خفرة ينتخي له وابن سمير اللي وراء ضلع حوران
ومنا اخو جحله فارسا ينوحيله تعرف ملا كيده ليا طار الايقان
والسيل يجري مع مجاري مسيله وقولا بلا فعلا طعن فيه مشعان
وهرج بلا صدق قليل حصيله ماقل دل وذكره قبل راكان والهرج
والهرج يكفي عن كثيره قليله ماقلت زود في كلامي ونقصان


وادري اني طولت عليكم بس هذي ملحمه معروفه وحبيت اعرفكم

واهداء الي كل فرد من قبيلة عنزه الله يعزهم بنصره

م0 ن0ق0و0ل

[الروح الحره]

تشكر يالفارس على المرور
وتقبل مني شكري الروووووووووووووح

[الروح الحره]

فرفش ليه ما لقيت قبيلتك غريبه تراه ذكر معظم القبايل الي أعرفهم
تشكر على مرورك الرائع الروووووووووح

[الروح الحره]

شمعه تشكرين على مرورك الحلو ودايم
تبدعين يالغاليه تقبلي شكري الروووووووووووح

[الشمعه]

وقـوم اعنـزه مـرويـن الاخـصـام الامــرار **** اولاد وايــل مــن عـصـور عهـيـده

الله يعطيك العافية الغاليةالروح الحره

نقل رائع وهادف سلمتي