لشاعر المبدع محمد ابن الذيب

[الروح الحره]

رب أخ لك لم تلده امك على هيئة خوي
ماتنتـهـي مـدتـه ولاصلاحـيـتـه
كم واحدن تحسب انه رجـل والفهلـوي
ورجولتـه تكمـن فــي ذكوريـتـه
وانا مثل من طموحه للسمـاء منتـوي
ولاتعـدى طموحـه حــد طاقيـتـه
لكن لو ان راس مالى في البنوك ظعوي
حمـدت ربـي علـى نعمـة عبوديتـه
وانا وش ابغي من الشخص القويم السوي
الا احترامـه لشخصـي فـي علانيتـه
والنفس قد تنطوي على ماقـد تنطـوي
ماني بربه اعـرف الـى فـي نفسيتـه
طغت زبيده علـى هارونهـا الأمـوي
لين أسـرت غربـي فـواده وشرقيتـه
في وجهها الأمتحان الصعـب الشفـوي
وسماحة أب القتيل الـى رفـض ديتـه
وفي جسمها لذة المدن في عين أقـروي
وفي قلبهـا طيبـه وطهـره وعفويتـه
قلت من انت من انته قلت رجل ابـدوي
ثقافته ماهـي تعـارض علـى صيتـه
الا لمحله سحـاب لـه ضجيـج ودوي
يـم أشـر بغتـرتـه والا بطاقيـتـه
وجبا ننا لرتفـع سهـم المنايـا يـوي
يظهر لها بموقفـن تفخـر بـه بنيتـه
قالت من رجال يـام مزبنيـن الخـوي
قلت ولـد عـم ابـن حثليـن وحميتـه
قالت هل البريق الى حارب ابن جلـوي
قلت أستغفر الله العجمـي علـى نيتـه
قالت ياذيب الغلا لاشفت ذيـب أيعـوي
قلـت آتعشـاه لعيـونـك ياجنيـتـه
لكـن ظلـم السنيـن وقلبـي المكتـوي
تثـر علـى خـوه الطيـب ونفسيتـه
وقريحة الشاعر المبدع ماهـي ترتـوي
يثبـت احساسهـا حسـب مزاجيـتـه
يافاتنه سكـر زيـاده وسكـر شـوي
أبشـرب زيادتـه وابشـرب شويـتـه
خذيتها بيـن يدينـي وجـات اتهـوي
وصرات في يدي لاهي بحيه ولاميتـه
الشيـن فـي اتفـه الحنايـا مـنـزوي
بالعكس تشكي ظـروف القهـر أقليتـه
والا على الزين حيل الله ياقلبـي قـوي
الزين في موطنـه الأصلـي وجنسيتـه
شف نحرها المنتعم ياخصرها الملتـوي
تقـول ماليـة ابـن سعـود ماليـتـه
في جيدها فوضويه شاعـرن فوضـوي
وفي عينهـا قسـوه الفـارس وحنيتـه
يهزها الشوق ليـن تخضـر وتستـوي
وتعيش من حسنة المومن ومـن سيتـه
أئرهـا بنـت حـوى فاتنـه وتغـوي
جـت تأخـذ الثـار مـن آدم وذريتـه








منقول الروووووووووووح