يااااااااليتني بنت !!

[دمعة حزن]

طبعاً بما إني بنت .. فالموضوع موبلايق إني أنا اللي أطرحه !!

بس لأني ناقلته لكم ..واللي كاتبه كان ولد .. فماحبيت أغير فيه ولا شي :)

أتمنى أنه ينال على رضاكم ..

والحمد لله إني بنت ;)

«®°·.¸.•°°·.¸¸.•°°·.¸.•°®»،«®°·.¸.•°°·.¸¸.•°°·.¸.• °®»

أتمنى منكم عدم قراءة الموضوع بل مابين سطوره :
ياليتـي بنت !!
ياليتي بنت عبارة ردّدتها كثيراً ، بيني وبين نفسي طبعاً خوفاً من إساءة الظن بي ، أو وصمي ببعض الصفات والألقاب التي لاتخفى على من به " ذرّة من خُبث " ، ولأننا مجتمع يُحاسب حتى على الأمنيات سأسوق لكم المبررات التي دفعتني لارتكاب هذه " الجريمة البشعة " !!

*·~-.¸¸,.-~*1-*·~-.¸¸,.-~*

ــ الولد يحرُم عليه دخول الكثير من الأماكن المغلقة كالمتنزهات والحدائق والأسواق وغيرها إلا بوجود محرم " إنعكست الدعوى " سواء كان هذا المحرم أمه أو أخته أو حتى " شغالتهم " ،

* البنت كل الأبواب مشرعة لها تدخل وتخرج على مزاجها ، ولا " ابن أمه " يقول ممنوع .

*·~-.¸¸,.-~*2-*·~-.¸¸,.-~*

ــ الولد إذا دخل مكتب حجوز طيران أو غيره " ينطقّ " بالساعات لين يجي دوره وإذا جاء دوره كلمة الموظف " بطرف خشمة " و " بنفس ٍ شينه " بعد !! .

* البنت من يوم تطل مع الباب و " هم منادينها " حتى لو انها داخلة بالغلط حجزوا لها لجنيف ذهاب وإياب " من زود الفزعه فيهم " ، وتقدّم بالطبع على كل " الشنبات " اللي في الصالة وعندما تجلس عند الموظف المختص يشتغل بضمير وإخلاص و" آمري وتدللي " و " يطق " لها ابتسامه " ماتخلي ضرس ٍ من ضروسه مابان " .

*·~-.¸¸,.-~*3- *·~-.¸¸,.-~*

ـ الولد إذا أراد أن يعبر الشارع ينتظر ساعة ما " عبّره " أحد ، بل أن بعض " السواقين " " يشطفه " والبعض الآخر " يعلق البوري عليه " وأكثرهم رأفةً وحناناً هو من يكتفي " بالهوش " .. هذا إذا كان الولد كبير حظ و " ما دعسه أحد " .

* البنت منذ أن تضع طرف إصبع رجلها " الكريمة " على الشارع وما " تسمع الا مصارخ الكفرات " حيث تقف السيارات بكل نظام وإحترام كأنها تقف عند إشارة مرورية " جنبها عشر دوريات " ويتسابق أصحاب السيارات إلى إستعراض " مواهبهم " المكبوته وقدراتهم المدفونه " في الذوق والأخلاق والرقيّ " فهذا يقول " تفضلي " والثاني يعطيها ابتسامة مشرقة " تصلح في دعاية معجون أسنان " والثالث يرفع يديه عالياً إلى السماء ويدعوا " بأن الله يستر عليها " و " يحفظها من كل مكروه " ومن " زود إخلاصه وإلحاحة في الدعاء " تحس إنه في عرَفه " .

*·~-.¸¸,.-~*4-*·~-.¸¸,.-~*

ــ الولد يُصبح عاطلاً لا تجد من يتعاطف معه ، يُفصل من وظيفته " مايفزع معه أحد ، " تُهضم حقوقه " ما أحد يعبّره " ،

* البنت " صاخر ٍ الله لها هالعالم " هذا ترك جميع مشاغله ومسؤولياته وتفرّغ للظهور في الفضائيات والمطالبة " بحقوق المرأة " ، وآخر " يعلن تعاطفة مع النساء غير العاملات و " الشباب العاطل مالين البيوت وماجاب خبرهم أحد " وثالث ماله شغل إلا الكتابة في الصحف والمجلات والمطالبة بعمل المرأة وقيادتها كأنه " محلوف عليه " مايتكلم إلا في هالموضوعين " ولا تستغربوا لو رأيتم من يعارض ويشجب ويستنكر ركوب المرأة في " مرتبه ورى " ويطالب بركوبها " قدّام " !! .

*·~-.¸¸,.-~*5-*·~-.¸¸,.-~*

ـ الولد عندما يُرسل قصيدة لـ " بعض " الصفحات أو المجلات الشعبية فلا غرابة أن يرموها في سلة المهملات و" إن تجمّلوا معه " وضعوها سفرة لعشاهم ، وإن " كانهم أجاويد وعطوه وجه " وضعوا له رداً في أسفل الصفحة قائلين " الأخ فلان راسلنا بالأجمل " .

* البنت لو أرسلت قصيدة " أي كلام " لأفردت لها الصفحات ولاحتفوا بها ووضعوا لها مقدمةً " أطول منها " !!

*·~-.¸¸,.-~*6- *·~-.¸¸,.-~*

ـ الولد لو كتب موضوعاً في أحد منتديات الانترنت لتراجع للصفحة الثالثة " مارد عليه أحد " وإن جاه ردود فهي بـ " يوزر " آخر له ، أو أنه وأحد ٍ " راحمه " ،

* البنت لو كتبت لها " سطرين " كان تمتلي صفحتها بالردود والثناء والورود " كذلك " .

*·~-.¸¸,.-~*7-*·~-.¸¸,.-~*

ـ الولد لو وضع موضوعاً في المنتدى وكتب أنه " منقووووول " لغصت صفحته بـ " الشرشحة " و " التهزيء "
والتعنيف " الموضوع قديم ,, كل ٍ يعرَف ينقل ، عسى ماتكلفتَ " ،

* البنت لو وضعت موضوعاً وكتبت " منقوووووول " لفاض متصفحها بما يسرّ الخاطر من الثناء العاطر ولأتت الردود الطوال على هذا المنوال " نقل رائع يدل على ثقافتك الهائلة ، رأيت مواضيع منقولة كثيرة ولكني لم أشاهد مثل هذا النقل المتميّز ، لا يستطيع أن ينقل هذا الموضوع إلا من أتاه الله العلم العميق والفكرالأنيق والأسلوب الرشيق ، أسلوبك في النقل لا يضاهى ، الخ "

*·~-.¸¸,.-~*8-*·~-.¸¸,.-~*

ــ الولد عندما يدخل " التشات " مهوب لاقي ٍ أحد " يعبّره " أو " يعطيه وجه " " ولو حاول يفضفض قالوا له " لا تصجنا ياشيخ ما هنا أحدٍ ضايق صدره الا أنت " وحتى لو يسلّم يمكن يردون عليه السلام ويمكن " يعطونه أشكل "

* البنت من يوم تدخل " التشات " و " هالبرايفتات تدّهر " هذا يسلّم وهذا " يمسّي بالخير " وآخر يحبّ أن يطمئن عليها إذ أنه قلق عليها فهي لم تدخل منذ البارحة ! " وتلقونه ماشاف أمه من ثلاثة أيام " وثالث يقول لها " صدقيني أحس إنك نصفي الآخر " ورابع يقول " والله ما أقدر أعيش من دونك " حتى لو أنه " أول مرة يشوفها " !!


*·~-.¸¸,.-~*.*·~-.¸¸,.-~*

بعد كل هذا تلوموني إذا تمنيت إني " أصير بنت " !!
ولا تقولون " الولادة .. وما الولادة " عطوني ربع هذا الاهتمام والدلع والدلال من " مجتمعنا الحنوووووون " و " خلوني أتاوم كل شهر !



«®°·.¸.•°°·.¸¸.•°°·.¸.•°®»،«®°·.¸.•°°·.¸¸.•°°·.¸.• °®»

[بنت الأصايل]

لا لا لا لا لا لالا لا لا لا اعترض اعتراض كلي اعتراض اعتراااااااااااااااااااااااااااااااااااااااااااااا اااااااااااااااض
من قاااااااااااااااااال هالكلام اصلا الي واضع هاذا الموضوع متخلف عقليا وجاهلا
وربي اني اشوووووووووووووووف العكس بالبنت يدوب يدوب اهلها يسمحون لها بالخروج برع اما الولد
ييييييييييييييييييييييييه يؤخذ راحته وسهر يوصل الين الفجر حشى يالله الي حاط هالموضوع كذاب بنص عيني
وين احنا احليلنا المساكين نطلع ما في طلعات على قولت ابوي (البنت لو تدخل ينكسر لها ضلع ويوم تطلع
ينكسر عشر أضلاع) قال نطلع قال ما اعرف من الي يروح المول والي يروح الشاليهات والي يروح .........الخ
وعلى فكره لا تلومي البنت لو ما عطت سالفه الولد ما تنلام لان الاولاد مثل الذئاب الشرسه مع احترامي لجميع الاولاد
بعضهم مو كلهم
صدق موضوع يعصب بالواحد مشكووووورة دمعه على الموضوع واسمحيلي على العصبية ازياده عن اللزوم
وعلى الاطاله الكبيرة
تحياتي
بنت الاصايل

[لمااااار]

والله صادقه اختي الشيخه
يعطيك العافيه اختي دمعه الف شكر
تقبلي مروري عاشقة القصيم

[بحااااار]

وربي الشباب دااايم مهضوم حقهم بس مالهم حيلة
الشباب وش يبون في الاسواق والمجمعات هي مصممة للحريم يعني الشباب ملاقيف مع احترااامي لشباب المنتدى الحبوبين

وبنسبة للبنات فهم اذا كانوا يبون شي والله يجيبونة زي سلام عليكم


وتحيااااااتي لكي

وتقبلي مروري


اخوك

بحااااااار

[دمعة حزن]

مشكوريييييييييييييين يالغاليييييييييييين ع المرور والردود :)


عزيزتي بنت الأصايل .. الموضوع كله مايستاهل إنك تعصبيييييين أو تزعلين علشانه ..
وإذا تبيني أحذفه .. لعيييييييييييييييونك يالغلا ;)


الكاتب تمساااااااح .. فماراح ننتظر منه أنه يدافع عن البنات .. أو يقول أنهم هم الشباب اللي عندهم حريه كاااامله ومتى مابغوا طلعوا وما أحد يحاسبهم ؟!
محد راضي بوضعه .. لا البنت راضيه ولا الولد راضي ..

أنا بنت وعارفه الوضع كله ,, ومع كذا أقولك إن كلامه مو كله غلط .. في أشياء واقعيه !!

كل واحد له وجهة نظر ويجب إحترامها .. والموضوع كله للونااااااااااسه وبس :) :)

تقبلوا تحيااااااااااتي .. :)

[بنت الأصايل]

لا الموضوع حلووووووو بس الي قاهرني صاحب هالموضوع يعني لو مثلا لو سوينا استبيان يبين حقيقة
هالكلام لو يعطيني برهان واثبات على كلامه اصلا الكلام الي قاله ما اوافقه واعترض عليه اعتراض كلي وقاطع
على العموم موضوع محمس بصراحه بس اريد اسئل الشباب واريدهم يجاوبوني بضمير حقيقة يا الشباب
من الي فيني يكثر طلعاته البنات ولا الاولاد من الي يسهر لين ص الفجر مع الشله ومن ومن.....الخ اريد الجواب بصراحه
ومشكوووووووور يا بحار على كلامك اللطيف وعجبتني صراحتك
لا اظنو ابد اني متحيزة لا هاذا الواقع
تقبلوا مني خالص احترامي وتقديري
بنت الأصايل

[((نديــــــم الشوق))]

صدق انه متخلف عقليا اللي كاتب الموضوع ههههههههه

[الرساوي]

والله موضوع جميل بس اتوقع الي كاتب الموضوع يمكن مر مكتب غازي القصيبي وشاف ما شاف اكييييييييييد

واشكرك على الطرح الجميل جمل الله حالك

[دمعة حزن]

فرفش ،، اشكرك على مرورك ..

الرساوي ،، الجميل هو مرورك ووجودك ..

[الفارس]

بصرحه موضوع حلووو
فيه جره في اطرح

يسلمووو ومن نجاح الى نجااح دمعه

الفارس

[دمعة حزن]

الله يسلمك أخوي الفارس ..

الحلو ردك ومرورك اللي يسعدني ..

[دفئ الشتاء]

والله البنت مهضوم حقها اما الاولاد فلا ماشاء الله

[*ضحكة الدنيا*]

ههههههههههههههههههههههههههههههههههه انهبل اللي كااتب

اي اهتمام ؟؟؟ يعني اللي يوقف لها بالشارع ولايرحب فيها مايبيها بس يبي شي ثاني

ههههههههههههههههههههههههه ومن ناحيه بنت ياليته يجرب مره يمكن ينتحر بس يحس

هم معطينهم اهتمام ويروحون ويجون على كيفهم وسياره و...................الخ

حنا اللي نرحم كل شي نسويه عيب اما هم مايعيبهم شي

شكرا لك قلبو ع الموضوع

[المنتظره على رصيف الحياه]

البنت منذ أن تضع طرف إصبع رجلها " الكريمة " على الشارع وما " تسمع الا مصارخ الكفرات " حيث تقف السيارات بكل نظام وإحترام كأنها تقف عند إشارة مرورية " جنبها عشر دوريات " ويتسابق أصحاب السيارات إلى إستعراض " مواهبهم " المكبوته وقدراتهم المدفونه " في الذوق والأخلاق والرقيّ " فهذا يقول " تفضلي " والثاني يعطيها ابتسامة مشرقة " تصلح في دعاية معجون أسنان " والثالث يرفع يديه عالياً إلى السماء ويدعوا " بأن الله يستر عليها " و " يحفظها من كل مكروه " ومن " زود إخلاصه وإلحاحة في الدعاء " تحس إنه في عرَفه " .

هههههههههههههههههههه والله البنت تبي تصير ولد والولد يبي يصير بنت

والله ماحد راظي على وظعه

وعلى العموم مشكوره دمعه على النقل

ونحن بانتظار جديدك

دمتي بود

[وايد كووول]

ألحمدالله اني بنت عشان ما يصير معايا كذا
أمزززززززززززززززززززززززززززززززززززززح
الله يعطيك العافيه

[قَــيــس]

شـكــ وبارك الله فيك ـــرا لك ... لك مني أجمل تحية .