ثلاث قصص مضحكة الي فاضي يدخل خخخخخخخ

[بحااااار]

مرااحب يالله حيهم

اليوم جايب لكم ثلاث( 3) قصص حلوووة ومضحكة


القصة الاولى( 1)






سعيدان والمخدرات




هذه قصة كوميدية واقعية

حدثت في السعوديه

سعيد وتهريب المخدرات ! ..

قصة قصيرة واقعية تموت من الضحك

سافر سعيد قبل كم يوم إلى دولة خليجية ( زعم أنها سياحة ) كم

يوم ... ويرجع محذر على ديرته

سعيد هذا بالمناسبة.. ملقوف ... وخفيف العقل .. ومن الناس اللي بتمزح

من الدرجة الأولى مع اللي يعرفه واللي ما يعرفه !

حتى أمّه ما سلمت منه ! المهم وصل سعيد إلى الجوازات ... لقى المبنى

فاضي, ما فيه إلا كم عسكري .. من عساكر الجوازات اللي نفس الواحد

مقهور من شوفتهم ومعاملتهم!

المهم راح سعيد وسمت وجهه عند أقرب واحد ..وصكّه بابتسامة الله لا

يوريكم ..

( ضرسين ذهب يتدلون ... وضرس ألومنيوم مثبت بمسمار ) المهم شافه

العسكري وقال في نفسه:

أعوذ بالله من الشيطان الرجيم !! رح يا خوي انقلع من قدامي ...اقصد رح

تفضل إلى الأخ اللي على الطرف هنااااااااااااااك

قال سعيد بصوت خافت: شكله ما عنده ثقة في نفسه! وإلا الظاهر موهو< BR>
بكفو يمسكونه أختام !!

راح سعيد للعسكري اللي في الطرف ... وقف قدامه ... وقال: أنا

أرسلوني .. إِللللللللللللللللللللللك ومد يدينه ( وسواها على طريقة واحد

ثقيل الدم)

ابتسم العسكري وقال بصوت خافت: يا الله إن تعطينا العقل يا رب

سأل العسكري سعيد مازحاً وهو يختم على جوازه ويدخل معلوماته

للكومبيوتر: هل معك شيء يا أخ سعيد ؟؟

قال سعيد: شيء مثل ايش يا أخ عسكري ؟؟؟

قال العسكري: يعني ... شيء ممنوع كذا والا كذا يا أخ سعيد ؟؟؟

رد سعيد بضحكة ماكرة وغمزه من عينه اليمنى: شيء ممنوع مثل ايش

يعني يا أخ عسكري ؟؟

قال العسكري دون أن يرفع رأسه وينظر إليه ( والله ما ألومه ): يعني ..

مثلك عارف .. حشيش .. هيروين .. كوكايين يا أخ سعيد ؟؟

ضحك سعيد ضحكة كأنه قاعد على قهوة هههههههه ... وقال:

يخرب بيت سمو حضرة إبليس سعادتك يا أخ عسكري ؟؟

قرّب سعيد من الطاولة اللي تفصله عن العسكري وقال بصوت خافت:

والله إن بغيت الصراحة .. ترى معي .. شوي .. بس شوي حشيش

استعمال شخصي يا أ خ عسكري

أما الترويج فلا والله والعياذ بالله ....! ثم ابتسم وهمس للعسكري يا الله يا

عم ابسط حيرقونك على ظهري !! بس ما تنسنيش من الذبيحة !! قالها

سعيد وضحك ... وتراي أموت في الكلاوي .. والكبدة ....!

طبعاً سعيد كان يمزح لأنه مش حق هالسوالف ... هو حبة بنادول تجيب

راسه وتسطله

وتخلي رجليه أعلى شئ فيه ..!

المهم ... ضحك العسكري ...وقال: طيب يا أخ سعيد ... وين خشيتها ..كيف

دسيتها ؟؟؟

قال سعيد بصوت خافت وهو يتلفت ويضحك ( والله إن يطلع ذا الضحك يا

سعيدان ): في الشكمان ( أي عادم السيارة ) يا أخ عسكري !

قال العسكري : طييييييييييييييييييييييب .. نشوف إن شاء الله استرح

شوي إذا سمحت يا أخ سعيد ... نادى العسكري على جندي عنده

وهمس له بكلام

وذهب الجندي مسرعاً

قال سعيدان: يا ابن الحلال خلصني أنت تدري إني أمزح يا أستاذ

عسكري ؟؟

قال العسكري: كلها دقايق ونشوف أنت تمزح والا لا ؟؟؟

جاء النقيب ومعه بعض العسكر وتكلم مع العسكري على الطاولة وأمر

بالقبض على سعيد

سعيد بغى يغمى عليه من الخوف ... أول مرة يشوف عساكر يقبضون

على شخص .. كان أول يشوف ها المشهد في الافلام والمسلسلات !

أما الحين .. والدور عليه .... والله ورحت فيها يا أبو السعاديد

كلبشوا سعيد ..الرجال يحاول يتكلم ما فيش فايدة .. صوته ما يطلع

المسكين ... يحاول يسوي طريقة الصم والبكم ما فيه فايدة ...

جابوه عند سيارته ... قال له الضابط: في الشكمان هاه .. نشوف الحين يا

استاذ سعيد !

جابوا كلب بوليسي وهدوه على سيارة سعيدان ... قام الكلب يدور على

السيارة ... يدور .. وعيون سعيدان تدور معه ...

وهو يفكر يقول: لا يكون أحد من عيال الحرام حط لي شيء في السيارة

وأنا مدري ...

المهم قلب سعيدان قام يرقع سامري ! ...والكلب يدور ...وفجأة وقف

الكلب عند مكان في السيارة وقام ينبح بشدة .. قام سعيدان

يكح ..يكح ..اححح ...

يبغا الكلب يروح والا يخاف .. لكن ما فيه فايدة ... تدرون وين وقف الكلب

؟؟؟؟؟ ..

عند الشكمان ! ...

سعيدان بغا ينهبل ...الشكمان !! لالالالال الالالالالالالالا..لا يكون أنا حاط

شيء وأنا مدري ! .. ..الشكمان ...مستحيل ...مستحيل ...

قال له النقيب: حبيبي ما فيه مستحيل في ها الدنيا ...العب على غيرنا

يا أستاذ سعيد !

قال الضابط للعسكر: جيبوا المشبك ... جابو أداة مثل المقص أو المشبك

وأدخلوها في الشكمان ليسحبوا أي شيء في داخله ....

سعيد .. قلبه يضرب بينفجر على كيف كيفكم ! ...

سحبوا المشبك وإذا فيه كيس فيه بودرة بيضاء !!

أغمى على سعيدان على طول .... ( والله وطلعت أي كلام يا

سعيدان .. خخخخخخخخ )

جابوا له مويه ... وهفوا عليه مروحة .... المسكين قام يصيح مثل

الخروف .. الله يلوم اللي يلومه ... يحلف بالله ويقسم أنه فيه خطأ

وانه كان يمزح ... وان احد المهربين في ذلك البلد هو اللي حط له

المخدرات في الشكمان من دون ما يدري !! يقسم ..ويحلف ...

و .. كأنه في فيلم هندي ! ... والله مش أنا ... والله مش أنا ... ايت ايز

نوت مي .. نو داس نهاربو هباوي ..

سن فن عن روس فريك .. قام المسكين يتكلم بكل لغات الدنيا ...

حاول الضابط يهديه شوي حتى يقدر يتكلم معه ويحقق لكنه ما قدر !! ما

غير يصايح ... والعالم يطالعونهم...

آخر شيء قال له الضابط : ممكن تهدأ وتفهم القصة يا أستاذ سعيد ؟؟؟

سكت سعيد....

فتكلم الضابط وقال: شوف يا أستاذ سعيد ...

الكيس الأبيض هذا حنا اللي حطيناه حتى نجرب الكلب ونختبره !

خخخخخخخخخخخخخخ

ومنها تتوب مرة ثانية عن المزح اللي مال أمه داعي ....

خخخخخخخخخ

قام سعيد وبحركة هستيرية يبوس في الضابط .. والعساكر .. والناس ... ما

صدق المسكين

وصرخ في الختام: توبة .. والله توبة ( إيه هين هذي كثر منها ) ....أنا تبت

على أيدكم ...أنا تبت .. تبت .. تبت

[بحااااار]

القصة الثاانية



منااحي والحب الاول




المكان الدايري الشرقي

الزمان الساعه ثنتين ونص بالليل

السياره ددسن موديل 86

مابه لامسجل ولااستبنه(سبير) ولا رادو ولامكيف

الاسم مناحي

العمر 24سنه

الجوال البصمه

الشريحه سوا



وبينما اخونا مناحي لاهي بسواقته وداقن اللطمه وجادعن الجوال بالمرتبة اللي جنبه ...




ومير يدق الجوال حاطن دقة البرتقاله===>طبعا جايته من ببسي هديه ارسل لهم رساله وارسلوا له النغمه

فك اللطمه مناحي وسكر الدريشه ورد





مناحي: الوووووو

المتصله: بصوت كله نعومه ورقه الو

مناحي: هلالالالا مين

المتصله: السلام عليكم

مناحي: هلالالالا والله وعليكم السلام هلابتس ياخويتي

المتصله: مساء الخير اخوي

مناحي: مساء الخيرات والاحساس والطيبه===>سامعها بس ماعرف يضبطها

المتصله: كيفك؟

مناحي: بخير ياعلتس بخير وعافيه< BR>
المتصله: معليش مو هذا جوال سلمى

مناحي: لااختي هذا موبايلي===>مسوي متمدن

وانا اسمي سليمان==>على باله اخو سلمى

اذا تامرين شي تراني بالخدمه وحاضر باللي تبينه

المتصله: لااخوي مشكور لاخلا ولاعدم ان شالله وآسفه على الازعاج

مناحي: وش دعوى اختي انتي تمونين===>من مكالمه صارت تمون

وعادي لو تبين تتصلين باي وقت الله يحييتس

المتصله: اوكي اخوي مشكور bay

مناحي: زين اختي بباي==>لابلوتو

سكرت الاخت السماعه ودخل اخونا مناحي بدوامة تفكيرات وقعد يلعب بشعر راسه وهو يفكر ويتأمل بهالصوت الناعم اللي اسمعه قبل شوي وقعد يلوم نفسه ويندب حظه مع البنات

انا غبي ليش ماقعدت اسولف معه؟

ليش ماطولت معه؟

ليش ماتعرفت عليه اكثر واكثر؟

ليش ماعرفته بنفسي؟

والحبيب من كثر الهواجيس نسى مخرج الروضه وتعداه وطول للثمامه من التفكير والهواجيس

ورقى له على احد هالضلوع وشب الضويه وضبط القهوه وقعد يهيجن

يامحلا الفنجال مع سيحة البال في مجلس مافيه نفس ثقيله

هذا ولد عم وهذا ولد خال وهذا رفيق مالقينا مثيله

وقعد يدردب مناحي من هالقهوه المحموسه عدل

وبينما هو يتقهوى حس باحساس غريب اول مره يحس به

ياولد حبيته والله حبيته===>هذا مناحي يحاتسي روحه

ياويليه يامناحي اثرك تعرف الحب وانا مدري===>لازال مناحي يحاتسي روحه

الله يازين الحب زيناه ويازين الواحد لاحس انه يحب وينحب==>يسلي روحه الاخ مناحي

يحس بقيمته ووجوده ويحس ان له قيمه بهالدنيا وانه له هدف وانه مهم

وينسدح مناحي على النفووود ويتامل بالسما وبالنجوم وهو يتأوه آآآآآآآآآآآآآآآآآه يازين الحب زيناه

والله انك ماتنلام ياقيس بن الملوح==>مثقف مناحي

وبينما مناحي غارق بتفكيره ساجن بعيد الاجواله يدق نغمة البردقانه

هنا فزّ مناحي اكيد هي

طبعا هي من غيره

حبيبتي هي

ويقوم ويشوف الرقم والله واثره رقم حبيبته

الله حبتني حبتني

يابختك يامناحي قام حظك===>مناحي يحاتسي روحه



ويرد بلهفه وهو ماسك جواله بيدينه الثنيتن هلا هلا هلا والله هلابتس

اهلين اخوي سليمان==>ماتدري انه مناحي

هلا والله وغلا اختي

مناحي: على فكره ماعرفتين باسمتس؟

المتصله: ايه انا اسمي امممممم ==>تفكر

تدور اسم تعطيه مناحي تلعب به عليه

ايه انا اسمي ليان

مناحي:الله يازين اسمتس زيناه ياليان

ليان: مشكور اخوي سليمان هذا من ذوقك بس

ليان: معليش اخوي سليمان ممكن تدق علي لانه رصيدي بيخلص ==>بدينا الشحاذه

مناحي: طبعا طبعا ادق عليتس وادق على اهلتس لوتبين

يسكر مناحي ويدق عليه

ليان: هلا سليمان

مناحي: هلا والله وغلا

ليان: وينك الحين؟

مناحي: انا الحين على كورنيش الخبر جالس اتامل بالبحر==>بدينا النصب

ليان: يعني انت من الشرقيه؟

مناحي: لاوالله بس حسيت اني ضايق صدري هاليومين وقلت للسواق اطلع بي بالـ بي ام للشرقيه انفس عن نفسي واغير جو===>مسوي ولد نعمه



ليان : شلون جو الشرقيه؟

مناحي: مانقصه الا انتي

ليان: تضحك وتقول ان شالله السفره الجايه نسافر انا واياك سوا على الـ بي ام بدون السواق==>بدينا المصلحه

مناحي: ابشري ولايهمتس تبين نروح بالـ بي ام ولا الفياقرا عادي بس ا نا اقول الاودي احسن==>بدى يفقش الحبيب



ليان: ماشاالله كل ذولي لك؟

مناحي: ايه وانا بعد حلو وجوالي الدمعه ورقمي الثاني مميز بس هذا مطلعه كذا عشان سفرة الشرقيه عشان افتك من العيال وغثاهم

ليان: طيب انت تشبه مين؟

مناحي: بصراحه يشبهوني بتوم كروز بس انا زعلان

ليان: ليش حبيبي

مناحي: لاني احلى منه

===



فاصل


نعطيكم مواصفات مناحي على حقيقته ونكمل

مناحي دبن بالحيل وزنه 120كيلو وشعره فلافل ومن كثر ماهو مايعرف السباحه متشابك شعره مع بعض والقمل عامل عمايله

سرواله دايم اصفر

والفنيله ماغيره من يوم مااخذه من اخوه مشقاص قبل اربع سنين

والنعال الله يكرمكم مايعرف وش النعال اصلا

والطاقيه من كثر ماهي محليه وصايرتن صفرا لاشافه الواحد يحسبه كله زري

والثوب تحسبه خريطة اطلس من كثر الخرايط اللي به


نعوووود



===



ليان: ماشالله انت احلى من توم كروز؟

مناحي: ايه احلى منه بكثير بس وش اسوي بالعيال



ليان: طيب حبيبي متى بترجع للرياض؟

م ناحي: والله مدري بصراحه الشرقيه ماجازت لي مفكر اطلع فرنسا او سويسرا ويمكن لندن عشان اغير جو



ليان: تروح وتجي بالسلامه بس لاتنسانا



مناحي: لا شدعوى انتي لتس معزه خاصه

ليان: اوكي حبيبي باي

مناحي: زين بباي



انتهت المكالمه ويناظر مناحي الرصيد مابقى به الا خمس وثمانين هلله



ياويليه طفرت بي ليان بس ولو تستاهل==>مناحي خاش جو



ويخلص قهوته ويرجع مناحي للبيت وينام



ويقوم الصبح الا ثلاث اتصالات من ليان



الله يازين الحب خاصه لاصار متبادل من الطرفين===>مناحي يحاتسي روحه



ويروح وينطل جوال ابوه ويدق على ليان



ليان: الو مين؟

مناحي: هلا حبيبتي ليوني كيفك؟

ليان: هلاسليمان وش هالرقم هذا وين جوالك؟

مناحي: هذا جوال السواق انا جوالي خلصت بطاريته وانا قاعد اشحنه الحين



ليان: اها

مناحي: تصدقين السواق انا معطيه الباندا بس ماجاز له يبي الدمعه==>سواقهم كشخه



ليان: اها



مناحي: شكلي بعطيه جوالي واشتري واحد غيره



ليان: ===>مصدقه وتحتسي روحه وتقول ياليتن سواقكم



ليان: باي سليمان امي جت



مناحي: بباي حبيبتي ولاتقطعين



ويقعد يفكر مناحي بليان كل اليوم



ويروح لراعي البقاله خويه سعيد



مناحي: سعيد تكفى بالله هات بطاقة سوا

سعيد: هات مية ريال

مناحي: سجل على الحساب

سعيد: حسابك وصل ثلاثة الاف وميتين منيب معطيك سدد



مناحي: خلاص هالبطاقه بس وابشر عقب اسبوع اسدد

وعقب اللتي واللتيّا اخذا البطاقه مناحي وشحن جواله



ويوم صارت الساعه وحده الا تدق البردقانه==>ليان سجله بجواله البردقانه

طبعا دقه وسكرت

ويتصل عليه مناحي

مناحي: هلا ليونتي

ليان: هلا سليمان

ليان: معليش اعذرني حبيبي دقيت دقه وسكرت لانه مافي رصيد لو عندي رصيد كان كلمتك ومااسكر ابد==>طبعا بدا التلميح تبيه يشحن له



مناحي: عادي حبيبتي الحين اخلي السواق يروح يشتري لك بطاقة شحن

ليان: وحده بس==>الله من وساعة الوجه

مناحي: كم تبين اجل؟

ليان: لابس كنت متوقعتك كريم==>يعني تبي اكثر

مناحي: خلاص الحين اخليه يجيب لتس وحده وبعدين اشحن لتس بشي يستاهل

ليان: مشكور حبيبي وماتقصر

مناحي:لاعادي حبيبتي ترى كله مية ريال==>وهو يفكر من وين يجيب له الميه

المهم وهم ساجين بالسواليف الا يقطع السواليف مناحي معليش حبيبتي ليوني السواق تو راح لثلاث بقالات وماحصل سوا لكن ابشري بكرى انا ادزه لك مسج==>سامع هالجمله من واحد من العيال بس مايدري وش هي بالضبط

ليان: اوكي حبيبي ماتقصر

ليان: يالله حبيبي انا استاذن وبكرى اكلمك

ويروح مناحي لسعيد يقردنه ببطاقة سوا يبيه للحبيبه ليان

قاله سعيد لاتفكر مافيه دين لين تسدد



ويحتار مناحي من وين يجيب الفلوس؟؟؟

ويقعد كل اليوم يتكّس ( يركب عبريه) من الفجر لين الظهر عشان يأمن مية ريال لعيون ليان

وبعد الويل كمل الميه وشرى بطاقة سوا لليان بس موب من سعيد لان سعيد عيّا يسلفه



ويوم اظلم الليل ويدز رقم البطاقه لليان

وتدق عليه ليان دقه وتسكر كالعاده

انهبل مناحي وق ال اكيد البطاقه به بلى

ويدق على ليان

مناحي: هلا ليونتي

ليان: هلا حبيبي سليمان

مناحي: بشري وصلتس رقم البطاقه؟

ليان: ايه حبيبي وشحنته مشكور الف الف الف شكر

مناحي: ايه عشان كذا بس انا استغربت ليش مادقيتي علي خفت ان البطاقه به بلى==>مسوي محسن معه واخر شي دقه وتسكر

ليان: لاحبيبي وصلت بس انا قلت بكلمك فيها مكالمه طويله بس مواليوم ومنيب مسكره منك لين تخلص البطاقه عشان تعرف اني احبك

مناحي:==>داخ وصدق حتسيه

مشكوره عيوني وحبك واضح بدون ماتبينين

ليان: اوكي حبيبي الوالده جت اكلمك بعدين باي

مناحي: بباي



ويقعد مناحي عقب هالمكالمه اسبووووع يدق ويرسل ولاحد يرد عليه==>اكل هوا مع سوا



وبعد اسبوع تدق ليان دقه وتسكر==>وجه فقر

ويدق عليه مناحي وهو حمقن منه بالحيل

مناحي: الو ليان؟

ليان: ايه هلا حبيبي شفيك معصب؟

مناحي: وينتس اسبوع كامل لاتردين ولاتدقين؟

ليان: معليش حبيبي والله امي اخذت الجوال معها وصادرته مني سوري حبيبي سامحني



هنا داخ مناحي وسامح ليان ماتحمل رقة اسلوبه وعذوبة صوته



مناحي: ميخالف حبيبتي اهم شي سلامتتس

ليان: الله يسلمك بس تصدق فشلانه منك

مناحي: ليييييييييش عسى ماشر؟

ليان: لابس امي اخذت الجوال والرصيد مية ريال ورجعته لي مافيه الا ريالين

مناحي: نعم نعم نعم نعم

وعسى تبين اشحن لتس بعد ان شالله؟

ليان: يعني اقول حبيبي انت وعدتني وانت بعد الحمدلله ربي منعم عليك وماتضرك مية ريال بس بطاقه وحده بس

يالله اثبت لي انك تحبني صدق مو كلام بس==>دقت على الوتر الحسّاس

مناحي: ايه الله منعم علي صح==>وهو بنفسه يقول ماتدري اني جبت الميه بالغرابيل

لكن والله مو شغل اللي تسوينه

ليان: يالله عاد حبيبي بتشحن لي ولالا؟

مناحي: لاوالله منيب شاحن لتس وانقلعي ولاعمرتس تكلمينن بس يالـ........؟؟===>مشفّر

ليان: انقلع بس يالمتخلف انت يالمخفه معه سوا ومسوي ولد نعمه فارق بس==>عارفته بس تعطيه على قد عقله



وطــــــــــــــــخ طيـــــــــــــــــــخ===>سكروا السماعات بوجيه بعض



وتنتهي قصة حب ك انت المصلحه هي السبب في حياكتها ويرجع مناحي زي ماكان طفش وضيقة صدر وخاصه بعد ماجرب الحب وجرحته حبيبته ليان==>صاحبة الاسم الوهمي



ويرجع مناحي يندب حظه ويبكي على وقته اللي ضاع مع ليان النصابه

وليان راحت تدور له على ضحيّه ثانيه مثل مناحي وأشكاله



وتنسدل ستارة من اروع ستاير الحب سطرها مناحي بتضحيته ووفاءه ودنّستها ليان بخداعها ومكرها
.......................

[بحااااار]

القصة الثالثة( 3)



هند والقبلة




يقولكـ فيه بنت اسمها (قبله) أمـ الأسامي اللي كذا..!!
المهم قبله عندها صديقه اسمها هند..
بوسه اوه قصدي قبلة..!
عطت رقمها لهند وقالتلها دقي علي اليوم ضروري..
وللعلم هم صاحبات بالمدرسه..
قامت هند قالتلها اوكي ولا يهمكـ..

رجعت هند البيت ودقت على قبلة..
والخبلة هند غلطت بالرقم الاخير..!!!!!!!

المهم رد عليها واحد..

وقالتله هند:الو السلام عليكم..
الرجال:وعليكم السلام..
هند:لو سمحت ممكن تعطيني قبلة..<====والله انها بايعتها
الرجال: (سكت شوي وهو طبعا منحرج شو تقول هاذي))


هند:اقولك اعطيني قبلة<====هههههههههه والله رهيبه هالهند

الرجال:طيب انا الحين مشغول اذا فضيت بعطيكي قبله (وسكر ابو الشباب السماعه في وجه هند)

هند طبعا عصبت ..
ووصلت معها كيف اتجرأ وسكر السماعه بوجهها ..!!
حركته قويه والله بس مو اقوى من حركتها ..!


طبعا هند ما تركته في حاله ودقت مره ثانيه ورد وهي معصبه:
هند: انت ليش تسكر السماعه بوجهي قلتلك اعطيني قبله يلاهـ خلصني..!!

الرجال: انا مشغول <=== يحليله شكله مؤدب وما يعرف يصرف
هند: سكتت شوي وبدت تستوعب الغبيه الموضوع ..>> وش عق به يا لسحليه
هند: يا قليل الحيا يلي ما تستحي على وجهكـ مفكرني اغازلك انت وجهكـ
والله شباب اخر زمن وقامت تصرخ وتهزأ فيه " شين وقوي عين " >> هذي وهي مخطيه

الرجال: انا قليل ادب ولا انتي الي مفهيه تدقين ادورين قبله لا بوك لابو من رباك

هند : يا قليل الحيا انا اقصد زميلتي اسمها قبله >> هالقبله هذي حاست الدنيا

الرجال: مالت عليك وعليها داقه مرتين وغلطانه بالرقم ثاني مره فتحي عيونك زين قبل لا تدقين على قبلة ..

هند طبعا استحت وصارت حالتها بلا الله لا يوريكم شكلها مسكينه والله حرمت تدق على قبلة بعد هالموقف الي ما تنحسد عليه..


ههههههههههههههههههه

دعواتي للجميع بإتصال يطلب قبله ..!!

[عاصمة الحب]

مناحي: لاوالله منيب شاحن لتس وانقلعي ولاعمرتس تكلمينن بس يالـ........؟؟===>مشفّر
ليان: انقلع بس يالمتخلف انت يالمخفه معه سوا ومسوي ولد نعمه فارق بس==>عارفته بس تعطيه على قد عقله

الله يقطع ابليسك بحار ضحكحتني ضحك عجزت اتكلم من الضحك اللقصص رهيبه بس احلى موقف اللي فوووق
ههههههههههههههههههههههههههههههه طلعوا اللي بقلوبهم والله رهيبين خخخخخخخ

ولا القصه الاخيره جنان انواع الاحراج وياكثر ماطحت باحراج من اسماء ناس اعرفهم..
يسلمووو عالقصص الحلوه جعل ايامك هناء..

[بحااااار]

عااصمة الحب


جعل اياامك كلها هنا وسعاادة


دائمآآ منورة لموواضيعي


لا خلا ولا عدم


ارق التحااياا لك

[اعصارو]

هههههههههههههههههههههههههههههههههههههههههههههههههه هههه

فاطسن من الضحك الله يرجك يالمرجوج

منحاحي والحب .. الله عليك يا مناحي

ولا سعيدان .. خليه يتوب .. مغير فاغرن ويمزح مع العالم


تقبلي مروري....... اعصار ... بحاار .. على نفس القافيه .. افعال .. شكلي جبت العيد هعهههههههههههههههههههههههههههههههه

[بحااااار]

اعصاارو



منور يالغالي وجعل اياامك كلها هنا ياارب



تحيااااتي لك

[بدور الشمال]

ههههههههههههههههههههههههههههههههههههه
ههههههههههههههههههههههههههههههههههههه

والله ان مناحي شييييييي مسوي ولد نعمه واكلهاااا
بس يحزن خخخخخخخخخخخخخخخخخخخ


يسلموووووووووووووووووووووووووووووووووووووووووووووو وو

[بحااااار]

بدووووور


منورة القصص


تحيااااتي لتوااجدك الدائم



لا خلا ولا عدم

[سعودية 100 بالـ100]

يسلمو خيو



تقبل مروري

[هنا السعد]

هههههههههههههههه

يسلموا على القصص

تقبل مروري ودمت بود

[بحااااار]

هنا


منورة يالغالية


تحيااااتي لك