عبث طفله

[الشاعرة]

لـــــــــــــيل العيون وليل قلبٍ تبينه
وامسامر النجمات فاللـــــيل ماحلاه

كـن الخــــجل فـيها عـــيونه حزينه
وكن السوالف تآمر الصوت وتنهاه

فـيــــــها عبث طفله ومــــره رزينه
ومرات آقول الموت يــا موت ويلاه

فيـــــــها غــيابٍ يشـتـكـيـنـي ونينه
وفيــها حظور ٍ جا على كيف مابغاه

فيـــــــها خــــيال ٍ ساكن ٍ نور عينه
وفيها من أللي شامـخ ٍ صعبٍ ارقاه

يـــا ذوق ذوق ٍ ضايـــــع ٍ فيه وينه
مـدري سكنته ضحكةٍ مدري هي آه

مــــن فلــــة المجـــدول ليلـي يدينه
لآخر شقى موتٍ سكـن لمعـة أشفاه

أســـــهر ونجـــــم الليل بيني وبينه
وتسهر وهي لـــــيل ٍ بدا كيف ببداه

حــبه بحــر عــــمري وقـلبه سفينه
والمــــوج ياخذني على عـزْ مسراه

أغــــــــلا ســــلام ٍ صافحتني يمينه
تـفــداه يمـــناً صــافحت طيب يمناه

[الأمل الهادئ]

يعطيك العافيه الشااااااااعره
والله يقويك وننتظر دائما جديدك

[الرساوي]

يـــا ذوق ذوق ٍ ضايـــــع ٍ فيه وينه
مـدري سكنته ضحكةٍ مدري هي آه


صح لسان الشاعر وصدق في قوله هذه البيتين والي هم هديه مني لك على ذوقك الجذاب
واختياراتك المبدعه

ودمتي لنا يارب

[الشاعرة]

الرائع هو مروركم على القصيده ودمتم لي بكل ود

[لمااااار]

رااااااااااائعه القصيده يااروع شاااعره

الله يعطيك العافيه

تحياااااتي لماااار

[سارق القلوب]

صح السانك


يعطيك العافيه


تحياتي

[أبو نايف]

يعطيك العافيه الشااعره
أتمناء أن تستمرين على هذا تميز
تقبلي مروري