الله يــ ج ــازي

[المهاجر]

الله يجازي .. مـن يسـوي سـواتـك
وبذنوب من سوى سواتك يجازيـك

مشيت درب الثقـل وتحـب ذاتـك
ما تـدري انـه للمهالـك يـوديـك

غـرك جمالـك .. ياخسـاره حلاتك
ماتدري ان ماغير طبعـك يحليـك

بتقـول زينـك .. يـشفـع لـسيـآتـك
الحسن ماهو عن وفا الحب يعفيـك

لوالـتواضع والوفــا مـن سـماتـك
بعت الحبايب كلهم ديـن واشريـك

لـكـن عجـزت اغيـرك .. ياجراتـك
على الغياب اللي بلا عـذر ينجيـك

خطاي في توضيح وشـي غلاتـك
وخطاك في توضيح وشـو تغليـك

وشلون توصيني وتنسـا وصاتـك
وتـصد عـن صوتن تقطـع يناديـك

مـافاتـك التجريـح و الــعـذر فاتـك
وتبغي الراي الحين ماعـاد يمديـك

صحيح احبك بـس هـاذي جزاتـك
بـعلمـك درس .. يفيـدك ويحيـيـك

تدري وش ابيض من خفوقك ..عباتك
وتدري وش اللي غرني نظرتي فيك

ادري بتستغـرب تصبـر وجاتـك
قصيدة مـن واحـد كـان يبغيـك

وتـبغي تناظر وانت عايش مماتـك
شف وحدتك والناس تجلس حواليك

وتبغي تشوف اشجع رجل في حياتك
شفني وانا راحل .. على كثر ماغليـك


محمــد بن فطيس

[احساس عابر]

رائع اخوي
غرك جمالك .. ياخساره حلاتك
ماتدري ان ماغير طبعك يحليك

لو التواضع مالوفا من سماتك
بعت الحبايب كلهم دين واشريك

[المهاجر]

احساس عابر

اسعدني مرورك

الله يعطيك العافيه