الشاعر أحمد حمدان(يااااقبر)

[نواف الغفيلي]

[صار القبرعن جمْلة الناس سلواي
يرتاح قلب المشتقي في محَاريه
كنّه يقول اهلاً هلا فيك يا الجاي
ودّه يحدّد موقع القبر واجيه
خايف تضيع رسُوم قبره عن خْطاي
وانساه مثل اللي معَ الوقت ناسيه
ذا لي ثلاث اعوام والقبر نجواي
لا جيت يَمّه قامت العين تبكيه
لا جيت احسّ انّه على طول ويّاي
واخذ معاه مْن التسالي واسلـِّيه
كم حرّكتني بالهواجيس بلواي
كم جرّحَت قلبي بقايا خواليه
لله دُرّ اللي فقـَد صايب الراي
من وحْشةٍ تقلع رواسي عَواليه
للريح ونجوم الدجى قلت شكواي
لعَلـّها تاخذ من الهَمّ قاسيه
يا قبْر ماني للمواثيق نسّاي
ما انساك لين العمْر تفنى لياليه
عهْدٍ قطعته يوم مدّيت يمناي
بأوّلْه ما بقـْته ولا ابوق تاليه

[الفارس]

صح السانك اوي وقايلهاااا

قصيده رااااااااائع

اخوك الفارس

[الأمل الهادئ]

يعطيك العافيه على القصيد الرائعه والطرح الجميل

[الرساوي]

صح السانك وصح بووح الشاعر

واشكرك اخوي على النقل المميز ويارب ماننحرم ابداعك اخوي

[دمعة حزن]

يا قبْر ماني للمواثيق نسّاي
ما انساك لين العمْر تفنى لياليه
عهْدٍ قطعته يوم مدّيت يمناي
بأوّلْه ما بقـْته ولا ابوق تاليه ،،

\
/
\

سلمت انااااااامل كاتبها ،،
وسلمت اناااامل ناقلها ،،

يعطيك العااافيه أخوي نواف الغفيلي ،،
على الإختيارالراائع والجميل ،،
ولاتحرمنا من جديدك الرائع دائما ،،

تقبل خالص تحيااااتي وارقهاا ،،
دمعة حزن ..

[سارق القلوب]

صح السانك

يعطيك العافيه


تحياتي